У ім бяруць удзел каля 58,5 тысячы адзінаццацікласнікаў па ўсёй краіне, піша БелТА.
Для яго правядзення задзейнічаны 144 пункты па ўсёй краіне.
Выпускнікі змогуць праверыць свае веды па рускай або беларускай мове, а таксама па адным з профільных прадметаў на выбар (фізіка, матэматыка, хімія, біялогія, замежныя мовы, гісторыя Беларусі ў кантэксце сусветнай гісторыі, грамадазнаўства, геаграфія).
Як раней паведамлялі ў Рэспубліканскім інстытуце кантролю ведаў, заданні на рэпетыцыйным цэнтралізаваным экзамене будуць аналагічныя заданням ЦЭ, але не будуць іх дубляваць.
Пасля праходжання РЦЭ ўдзельнікі ў асабістым кабінеце на сайце РІКВ змогуць убачыць не толькі свае балы, але і скан бланка, а таксама правільныя адказы, што дасць магчымасць выканаць працу над памылкамі. Сістэма ацэньвання застанецца нязменнай.
«РЦЭ дапаможа выпускнікам зразумець, як будзе праходзіць экзамен (ад рассадкі да запаўнення бланкаў), ацаніць узровень сваіх ведаў па выбраным прадмеце, а таксама навучыцца правільна размеркаваць час на экзамене», — адзначылі ў РІКВ.
У Мінску ў рэпетыцыі цэнтралізаванага экзамену будуць удзельнічаць больш за 13 тыс. адзінаццацікласнікаў.
Каментары