Яна перашкаджала яму гуляць у камп'ютарныя гульні.
Нежывое дзесяцімесячнае дзіця пабачылі медыкі ў адной з кватэр у чэрвені, пішуць «Віцебскія весці». Забойца — сужыцель маці немаўляці.
Шматдзетная сям'я яшчэ і пры жыцці бацькі дзяцей жыла кепска: гадамі там адбываліся канфлікты і сваркі. Бацька піў і скандаліў.
Калі мужчына памёр, яго жонка стала жыць з іншым мужчынам, які раней быў прызнаны недзеяздольным праз псіхічны разлад.
У адзін з дзён чэрвеня мужчына нанёс некалькі ўдараў па галаве дзесяцімесячнай дзяўчынцы за тое, што тая капрызіла і перашкаджала яму гуляць у камп'ютарныя гульні.
Маці дзіцяці не заступілася за дачку і выклікала хуткую дапамогу толькі тады, калі дзяўчынка перастала дыхаць. Медыкі, якія прыбылі на месца, канстатавалі смерць.
Мужчыне пагражае да 25 гадоў пазбаўлення волі, пажыццёвае зняволенне або смяротная кара.
Астатніх дзяцей забралі ад маці.
Каментары