1 лютага памёр былы намеснік міністра культуры Беларусі і дыпламат Васіль Чэрнік, паведамілі яго сябры ў сацсетках. Яму было 65 гадоў.
Васіль Чэрнік нарадзіўся ў 1960 годзе ў Гродне. Скончыў Гродзенскі дзяржаўны ўніверсітэт, затым — Акадэмію кіравання.
З 1993 года працаваў у Міністэрстве культуры на розных пасадах. У 1998 годзе ён стаў намеснікам старшыні Камітэта па ахове гісторыка-культурнай спадчыны пры Міністэрстве культуры краіны, пазней у якасці начальніка ўпраўлення курыраваў установы культуры і народнай творчасці ў рэгіёнах — музеі, бібліятэкі, дамы культуры, цэнтры народнай творчасці. У сярэдзіне 2010‑х гадоў Чэрнік займаў пасаду намесніка міністра культуры.
Да прызначэння на гэту пасаду, а таксама пасля завяршэння працы ў Міністэрстве культуры Васіль Чэрнік знаходзіўся на дыпламатычнай службе: у 2009—2013 гадах працаваў у пасольстве Беларусі ў Польшчы, а з 2018 года — у Расіі. Сярод іншага, Чэрнік быў дарадцам Пасольства Беларусі ў РФ і ўзначальваў Дзелавы і культурны комплекс пасольства.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары