Гэта можа прывесці да ДТЗ, папярэджвае ДАІ Мінска.
Асноўнымі фактарамі, з-за якіх адбываюцца ДТЗ падчас туману, з'яўляюцца недастатковая бачнасць і скажэнне ўспрымання адлегласці да транспартных сродкаў і перашкод.
ДАІ раіць усім удзельнікам дарожнага руху праяўляць уважлівасць і строга прытрымлівацца Правіл дарожнага руху. Пешаходам таксама не варта забываць і пра святлоадбіўныя элементы.
Кіроўцам раяць:
- выбіраць хуткасць на аснове бачнасці;
- трымаць павялічаную дыстанцыю да аўтамабіля, які наперадзе;
- уключаць блізкае святло фар, пры неабходнасці — процітуманныя;
- далёкае святло ў тумане бессэнсоўнае і пагаршае бачнасць;
- пазбягаць рэзкіх перастраенняў і тармажэнняў, рухацца асцярожна;
- калі рух немагчымы, варта спыніцца за межамі праезнай часткі, уключыць аварыйную сігналізацыю;
- паблізу пешаходных пераходаў быць асабліва ўважлівымі, бо пешаходы становяцца менш прыкметнымі.
Прафілактыка для пешаходаў:
— пераходзіць дарогу толькі ва ўстаноўленых месцах, пераканаўшыся ў бяспецы выхаду на праезную частку;
— абавязкова выкарыстоўваць флікеры, камізэлькі або аксесуары, каб быць прыкметным ва ўмовах абмежаванай бачнасці;
— быць вельмі ўважлівымі і асцярожнымі, не заліпаць у смартфонах;
— перад пераходам дарогі зняць навушнікі і прыапусціць капюшоны, каб чуць і бачыць транспарт.
ДАІ Мінскай вобласці, у сваю чаргу, паведамляе пра складаную дарожную абстаноўку на тэрыторыі рэгіёна.
У большай ступені ўскладненая сітуацыя на аўтадарозе М-1 ў Смалявіцкім раёне, дзе ў напрамку Барысава на 374‑375 км зафіксавана некалькі дарожна-транспартных здарэнняў.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў88
Каментары