Памёр расійскі і савецкі публіцыст Рой Мядзведзеў, яму было 100 гадоў.
Мядзведзеў быў аўтарам шматлікіх палітычных біяграфій. Ён праславіўся ў савецкі час кнігай «Да суда гісторыі» пра сталінскія рэпрэсіі, за якую быў выключаны з КПСС.
Падчас перабудовы яго аднавілі ў партыі, затым Мядзведзеў быў членам Вярхоўнага Савета СССР і прымаў удзел у З'ездзе народных дэпутатаў СССР.
Адна з вядомых яго кніг — біяграфія Мікіты Хрушчова, што ў пачатку 1990‑х выходзіла па-беларуску.
У 2010 выйшла кніга «Александр Лукашэнка. Абрысы беларускай мадэлі», дзе ён хваліў Лукашэнку.
Рой Мядзведзеў быў братам-блізнюком Жарэса Мядзведзева — савецкага дысідэнта. Імя атрымаў у гонар вядомага ў 1920‑х гадах індыйскага камуніста Манабендры Роя, аднаго з заснавальнікаў Кампартыі Індыі.
Цяпер чытаюць
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
[Зрэдагавана]