Прарваную трубу з гарачай вадой у мінскім пяціпавярховіку замянілі, калі праблема трапіла ў СМІ
21 лютага з'явілася інфармацыя, што ў пад'ездзе дома № 14 на вуліцы Кедышкі ў Мінску прарвала трубу, пасля чаго памяшканне заліло гарачай вадой. Жыхары паведамлялі пра праблемы з 16 лютага, пакінулі больш за дзясятак зваротаў у службу «115», аднак праблема некалькі дзён не вырашалася. А вырашылі толькі пасля таго, як інфармацыя трапіла ў СМІ, паведамляе агенцтва «Мінск-Навіны».
Паводле слоў жыхаркі дома, спачатку камунальнікі абяцалі ліквідаваць уцечку ў аўторак, пасля — у сераду, але рамонт так і не правялі, і вада працягвала ліцца, з люка ішла пара.
Пасля з’яўлення інфармацыі ў СМІ няспраўнасць аператыўна ліквідавалі — пашкоджаную трубу замянілі. У ЖКГ Першамайскага раёна патлумачылі, што на момант паступлення заявак уцечка нібыта была нязначнай і не лічылася крытычнай. Планавалася ліквідаваць яе пры спрыяльных умовах надвор'я.
Разам з тым за несвоечасовую рэакцыю адказную асобу ЖЭУ № 3 прыцягнулі да матэрыяльнай адказнасці.
Цяпер чытаюць
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў79
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары