У памяшканні «Рускага дома ў Брэсце» да 4‑й гадавіны поўнамаштабнага ўварвання Расіі ва Украіну праходзіць выстава «Франтавікі. VZгляд» Ірыны Харкаўскай пад назвай «Твары герояў». Наведвальнікі могуць таксама склеіць са стужак расійскі трыкалор, заўважыў REFORM.news.
«Гэтыя паштоўкі — не проста малюнкі. Гэта пасланні тым, хто стаіць на абароне нашай Радзімы, захаваныя жывыя эмоцыі і неверагодныя, поўныя сілы вочы кожнага байца. Сумна ўсведамляць, што большасць з іх так і не атрымалі свае партрэты», — гаворыцца ў прэс-рэлізе «Рускага дома ў Брэсце».
Адзначаецца, што «на малюнках — байцы сіл спецыяльных аперацый, у якіх схаваная большая частка твару».
Арганізатарамі мерапрыемства выступілі аб'яднанні «Рускае таварыства» і «Рускі Дом у Брэсце». Ірына Харкаўская з'яўляецца членам РГА «Рускае таварыства». У Брэсце аддзяленне таварыства ўзначальвае Святлана Смірнова.
На ўрачыстае адкрыццё прывялі скрыпічны ансамбль гімназіі, удзельнікаў праекта «Фактар бай», клуб Рускага таварыства «Арыён». Прысутнічалі таксама віцэ-консул Генеральнага консульства РФ у Брэсце Раман Цітоў і кіраўніца аддзялення Рассупрацоўніцтва ў Брэсце, віцэ-консул Сафія Пякшава.
Наведвальнікі павінны былі далучыцца да стварэння палатна са стужак у колерах расійскага трыкалора.
Каментары
Это те люди, которые поставлены ФСБ России готовить русские вёсны за пределами России!
Всех за экстремизм на 15 лет!