Ціханоўская прызначыла Мікалая Казлова на пасаду ў Аб'яднаным пераходным кабінеце
Святлана Ціханоўская прызначыла Мікалая Казлова на пасаду прадстаўніка па аднаўленні правапарадку Аб’яднанага пераходнага кабінета Беларусі. Рашэнне прынята на падставе рэкамендацый Каардынацыйнай рады, у адпаведнасці з працэдурай, паведаміла прэс-служба палітыка.
31 студзеня 2026 года кіраўніца АПКБ накіравала ў Раду прапанову па кандыдаце на пасаду прадстаўніка па аднаўленні правапарадку.
«Лічу, што ягоны багаты прафесійны досвед у галіне правааховы і ў грамадска-палітычнай дзейнасці, аўтарытэт сярод профільных арганізацый, а таксама асабістыя якасці дазволяць яму эфектыўна выконваць абавязкі на гэтай пасадзе», — пісала Святлана Ціханоўская пра Мікалая Казлова ў лісце ў Каардынацыйную раду.
12 сакавіка Каардынацыйная рада дала згоду на яго прызначэнне.
Пасада прадстаўніка па аднаўленні правапарадку Аб’яднанага пераходнага кабінета Беларусі была вакантная з 9 жніўня 2023 года, калі яе пакінуў Аляксандр Азараў.
Мікалаю Казлову — 59 гадоў, ён 17 гадоў займаў пасаду старшага оперупаўнаважанага па асабліва важных справах УУС Цэнтральнага раёна Мінска, меў званне падпалкоўніка міліцыі запасу.
У 2008 годзе падчас парламенцкіх выбараў Казлоў публічна заявіў пра фальсіфікацыі на выбарчым участку, пасля чаго напісаў рапарт начальству і паведаміў пра інцыдэнт незалежным СМІ. Неўзабаве пасля гэтага ён пайшоў у запас.
У 2012 годзе Мікалай Казлоў уступіў у Аб’яднаную грамадзянскую партыю, а ў 2016 годзе быў абраны намеснікам старшыні АГП. У 2021 годзе яго пазбавілі спецыяльнага рангу падпалкоўніка міліцыі запасу.
Казлова двойчы асуджалі паводле палітычна матываваных спраў, ён быў прызнаны палітвязнем. У жніўні 2021 года ён атрымаў тры месяцы арышту, а ў лістападзе 2022‑га — два з паловай гады пазбаўлення волі за нібыта ўдзел у «масавых беспарадках». Падчас зняволення неаднаразова змяшчаўся ў карцар і ПКТ, меў праблемы са здароўем, яго не адпусцілі на пахаванне маці.
На волю Мікалай Казлоў выйшаў 22 ліпеня 2024 года, у кастрычніку 2025 года ён выехаў з Беларусі.
Цяпер чытаюць
Гісторыя 12‑гадовай Веры ў мінскай інфекцыйнай бальніцы настолькі ўразіла беларусаў, што цяпер чарга з ахвотных дапамагчы2
Каментары
Данэгуль няпэдка гербу робяць нейкі іншы шчыт невядома з якой мэтай.
Вы маеце эталон. Для чэго гэты маразм?
[Зрэдагавана]