ЗША атакавалі востраў Харк у Персідскім заліве. Праз яго праходзіць 90% іранскага экспарту нафты
Цэнтральнае камандаванне ЗША правяло адну з самых магутных бамбардзіровак у гісторыі Блізкага Усходу і цалкам знішчыла ўсе вайсковыя аб’екты на іранскім востраве Харк у Персідскім заліве, паведаміў Дональд Трамп.
«Наша зброя — самая магутная і дасканалая з усіх узбраенняў, што ёсць у свеце, але з меркаванняў прыстойнасці я вырашыў не знішчаць нафтавую інфраструктуру на востраве. Аднак калі Іран або хто-небудзь яшчэ паспрабуе перашкодзіць свабоднаму і бяспечнаму праходу суднаў праз Армузскі праліў, я неадкладна перагледжу гэтае рашэнне», — напісаў Трамп у сацыяльнай сетцы Truth Social.
Амерыканскі лідар таксама апублікаваў хвіліннае відэа з кадрамі ўдараў па востраве Харк.
Цэллю ўдараў па востраве Харк былі склады, дзе размяшчаліся запасы іранскіх ракет і марскіх мін.
Высокапастаўлены чыноўнік Міністэрства нафты Ірана ахарактарызаваў удары па востраве Харк як «маштабныя і разбуральныя».
На востраве Харк знаходзіцца найбуйнейшы нафтавы тэрмінал ісламскай рэспублікі. Праз яго праходзіць больш за 90% іранскага экспарту нафты.
На працягу двух тыдняў вайны востраў Харк заставаўся некранутым. Аналітыкі заяўлялі, што любая спроба атакі або захопу вострава Харк можа справакаваць устойлівы рост і без таго высокіх цэн на нафту.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары
Замест хуткай перамогі Іран спачатку трэба было паддушыць, каб пачаліся перабоі з бензінам, курамі і лавашом.