Цяпло паступова накрыла ўсю Беларусь. Снег сыходзіць, лёд растае, з кожным днём страчваючы ў таўшчыні, але гэта ўсё роўна не адпуджвае фанатаў зімовай рыбалкі. Onliner.by праехаўся па беларускіх вадаёмах і паглядзелі на тых, хто ловіць з лёду ў плюс 14.
Калі на поўдні лёд сышоў, то на астатняй частцы краіны ён пакуль не здаецца. Перш за ўсё пабывалі на Смалявіцкім вадасховішчы. Па выходных тут можна ўбачыць дзясяткі рыбакоў, якія прыселі на свае торбы з вудачкамі ў руках, але зараз сітуацыя іншая — рыбакоў адназначна менш. Ці то ў будні ўсе разбегліся па працах, ці то сапраўды спалохаліся расталага лёду. Але бясстрашных усё роўна хапае.
Самы галоўны экстрэмал дня прыцягнуў за сабой ровар.
На чарзе невялікае азерца ў вёсцы Юзафова, у Аршанскім раёне.
А гэта ўжо азёры ў Віцебскай вобласці.
Тым часам на вадасховішчы Дразды на ўскраіне Мінска.
Акваторыю на аэралодцы пастаянна патрулююць супрацоўнікі МНС і Таварыства выратавання на водах
Свой веласіпедыст тут таксама знайшоўся
Як відаць, рыбакі нікуды не падзеліся: прамыіны і адкрытая вада ў некаторых месцах ім не перашкода.
Ну а так на днях выглядаў Фацінскі заліў — участак вады на рацэ Дняпро ў Магілёве.
Многія рыбакі на ўсе перасцярогі могуць махнуць рукой. Маўляў, лёд моцны, і яго таўшчыня складае дазволеныя для выхаду 7 сантыметраў. Але, як лічыць афіцыйная прадстаўніца Таварыства выратавання на водах Кацярына Міхалёва, не ўсё так проста:
— Аб сітуацыі на беларускіх вадаёмах адназначна сказаць складана. На большасці рэк з прычыны цячэння і раставання лёд сышоў, а вось на азёрах і вадасховішчах сітуацыя іншая. У некаторых месцах ледзяное пакрыццё ўжо рыхлае, і таўшчыня лёду там менш за 7 сантыметраў, але дзесьці — больш.
Згодна з пастановай №543 аб ахове жыцця людзей на водах, выхад на лёд у перыяды ўтварэння або разбурэння ледзянога пакрыцця, а таксама пры недасягненні таўшчыні крышталічнага ледзянога пакрыцця сямі сантыметраў забаронены. Рашэнне аб увядзенні забароны прымаюць мясцовыя выканкамы. І падобная мера паступова ўводзіцца ў раёнах Беларусі. Да прыкладу, у Зэльвенскім.
Аднак мы ў любым выпадку не рэкамендуем выходзіць на лёд. У цёплае надвор'е ён хутка растае, і падлёдная рыбалка можа скончыцца трагічна. У мінулым годзе быў выпадак на Вілейскім вадасховішчы. Таўшчыня лёду была 20 см, але моцна грэла сонца, падуў цёплы вецер… Лёд у выніку пачаў раставаць імгненна, і людзі траплялі ў ваду. Рызыкі ўзрастаюць, але рыбакі ў гэтыя дні ўсё роўна актыўна выходзяць на лёд Мінскага мора, Драздоў і Вячы.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве34
Каментары
После зимы аппетит зверский, а сил гоняться за добычей нет.
Вот нас весной добрые люди и подкармливают.