У Панаме адбыўся моцны выбух і пажар пад мастом, які перасякае Панамскі канал — Мостам дзвюх Амерык. Інцыдэнт здарыўся днём 6 красавіка каля паўднёвай часткі канала, у раёне Ла-Бока.
Першапачаткова паведамлялася, што выбух мог адбыцца на танкеры, але пазней высветлілася, што насамрэч ён узнік на беразе — на тэрыторыі паліўнага тэрмінала. У выніку загарэліся аўтацыстэрны, пасля чаго агонь перакінуўся на іншыя рэзервуары. Полымя дасягнула канструкцый моста і пашкодзіла іх.
У выніку здарэння загінуў як мінімум адзін чалавек, яшчэ некалькі атрымалі траўмы, сярод іх ратавальнікі і мірныя жыхары. Пажар удалося патушыць, а да ліквідацыі прыцягвалі больш за 75 пажарнікаў.
Пасля выбуху рух па Мосце дзвюх Амерык быў часова перакрыты і спецыялісты пачалі праверку яго стану. Плануюцца тэхнічныя выпрабаванні, каб высветліць, ці бяспечна далей карыстацца мостам.
Нягледзячы на здарэнне, Панамскі канал працягвае працаваць у звычайным рэжыме — суднаходства не парушана. Улады падкрэслілі, што канал адкрыты і абмежаванняў для руху суднаў няма.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошняя ўцечка была ў 2026-м, а заснавальнікі — расіяне29
Каментары