Ліван не з’яўляецца ўдзельнікам двухтыднёвага пагаднення аб спыненні агню паміж ЗША, Ізраілем і Іранам, гаворыцца ў заяве офіса прэм’ер-міністра Ізраіля Біньяміна Нетаньяху.
«Ізраіль падтрымлівае рашэнне прэзідэнта Трампа прыпыніць нанясенне ўдараў па Іране на два тыдні пры ўмове, што Іран неадкладна адкрые пралівы і спыніць усе напады на ЗША, Ізраіль і краіны рэгіёна»,— адзначаецца ў заяве.
Пры гэтым сцвярджаецца, што двухтыднёвае спыненне агню «не распаўсюджваецца на Ліван».
Як адзначае CNN, пазіцыя Ізраіля супярэчыць заяве прэм’ер-міністра Пакістана, які выступіў пасярэднікам у заключэнні дамоўленасці паміж ЗША і Іранам — у яго заяве гаварылася, што пагадненне ўключае і Ліван. Трамп у сваёй заяве Ліван не згадаў.
З пачатку сакавіка Ізраіль праводзіць ваенную кампанію на поўдні Лівана, накіраваную супраць баевікоў «Хезбалы», якія падтрымліваюцца Іранам.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ48
Каментары