У Пінску прадалі кватэру былога суддзі, які адмовіўся судзіць пратэстоўцаў
7‑8 красавіка адбыўся аўкцыён, на якім улады прадалі кватэру Аляксея Пацко. На аўкцыёне знайшлося два ахвочых, якія змагаліся за яе набыццё, пішуць брэсцкія праваабаронцы.
У Пінску прадалі кватэру суддзі, які ў 2020 годзе адмовіўся судзіць удзельнікаў пратэстаў, звольніўся з працы і выехаў за мяжу. Пацко пацвердзіў «Нашай Ніве», што гаворка менавіта пра яго нерухомасць.
Гаворка пра 2‑комнатную кватэру плошчай 59,3 м2 па адрасе Пінск, вул. Брэсцкая 142 Г. Нерухомасць была набытая з дапамогай ільготнага крэдыту, таму фармальна яе ўласнікам лічыцца банк. Аляксей Пацко сказаў, што спраўна выплачваў крэдыт на кватэру, аднак прызнае, што на той кватэры можа быць невялікая запазычанасць за камуналку.
На аўкцыёне знайшлося 2 ахвочых, якія змагаліся за яе набыццё. У выніку перамог той, хто зрабіў стаўку на 110 040 рублёў.
Першая спроба ўладаў прадаць кватэру Пацко была непаспяховай. На аўкцыёне 19 лютага не знайшлося ніводнага ахвочага набыць кватэру. Пачатковы кошт быў 84 000 рублёў.
Сам Аляксей знаходзіцца за мяжою.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай51
Каментары
Тем более в век, когда рукописи не горят в прямом смысле.
А вдруг, через 5-10 лет, а может и раньше, пойдут процессы люстрации и не дай Бог, люстрация пойдёт по законам лукашистов и ябатек.