U Pinsku pradali kvateru byłoha sudździ, jaki admoviŭsia sudzić pratestoŭcaŭ
7‑8 krasavika adbyŭsia aŭkcyjon, na jakim ułady pradali kvateru Alaksieja Packo. Na aŭkcyjonie znajšłosia dva achvočych, jakija zmahalisia za jaje nabyćcio, pišuć bresckija pravaabaroncy.
U Pinsku pradali kvateru sudździ, jaki ŭ 2020 hodzie admoviŭsia sudzić udzielnikaŭ pratestaŭ, zvolniŭsia z pracy i vyjechaŭ za miažu. Packo paćvierdziŭ «Našaj Nivie», što havorka mienavita pra jaho nieruchomaść.
Havorka pra 2‑komnatnuju kvateru płoščaj 59,3 m2 pa adrasie Pinsk, vuł. Bresckaja 142 H. Nieruchomaść była nabytaja z dapamohaj ilhotnaha kredytu, tamu farmalna jaje ŭłaśnikam ličycca bank. Alaksiej Packo skazaŭ, što spraŭna vypłačvaŭ kredyt na kvateru, adnak pryznaje, što na toj kvatery moža być nievialikaja zapazyčanaść za kamunałku.
Na aŭkcyjonie znajšłosia 2 achvočych, jakija zmahalisia za jaje nabyćcio. U vyniku pieramoh toj, chto zrabiŭ staŭku na 110 040 rubloŭ.
Pieršaja sproba ŭładaŭ pradać kvateru Packo była niepaśpiachovaj. Na aŭkcyjonie 19 lutaha nie znajšłosia nivodnaha achvočaha nabyć kvateru. Pačatkovy košt byŭ 84 000 rubloŭ.
Sam Alaksiej znachodzicca za miažoju.
Kamientary
Tiem boleje v viek, kohda rukopisi nie horiat v priamom smyśle.
A vdruh, čieriez 5-10 let, a možiet i rańšie, pojdut prociessy lustracii i nie daj Boh, lustracija pojdiot po zakonam łukašistov i jabatiek.