У Ірландыі мужчына з сякерай атакаваў амерыканскі вайсковы самалёт ВІДЭА
У ірландскім аэрапорце Шэнан невядомы прабраўся на амерыканскі транспартны самалёт C-130 і пачаў біць яго сякерай.
Ірландская паліцыя паведаміла, што мужчына ўзростам больш за 40 гадоў пранік у «забароненую зону аэрапорта Шэнан» у графстве Клэр 11 красавіка раніцай.
На кадрах у сацыяльных сетках відаць, як мужчына залазіць на вялікі вайскова-транспартны самалёт і наносіць удары па крыле.
Затрымаць мужчыну атрымалася не адразу: мясцовым сілавікам прыйшлося падганяць мабільны трап і падымацца на борт. Парушальнік за гэты час паспеў пашкодзіць корпус. Праца аэрапорта спынялася на 25 хвілін.
У заяве паліцыі гаворыцца:
«Мужчына ва ўзросце за 40 гадоў быў арыштаваны паліцыяй за меркаванае крымінальнае пашкоджанне маёмасці незадоўга да 11 гадзін раніцы. Цяпер ён затрыманы ў адпаведнасці з раздзелам 4 Закона аб крымінальным правасуддзі 1984 года ў паліцэйскім участку дывізіёна Клэр-Тыперэры».
Ён можа ўтрымлівацца пад вартай да 24 гадзін, не лічачы перапынкаў. Як ён увогуле трапіў да вайсковага самалёта — пакуль невядома.
Цяпер чытаюць
Прапагандысты запэўніваюць, што 196 палітвязняў ужо на свабодзе9
Каментары