Настаўніцу-дэфектолага з-пад Мінска асудзілі за «садзейнічанне экстрэмізму»
Алена Аршанская шмат гадоў працавала з дзецьмі ў Ашмянах і Мінску. Але нядаўна ёй вынеслі палітычны прысуд — цяпер яна адбывае пакаранне.
Алене Аршанскай 49 гадоў.
Жанчына шмат гадоў прысвяціла педагогіцы і дапамозе дзецям. Яна мае вышэйшую кваліфікацыйную катэгорыю і раней працавала настаўніцай-дэфектолагам у спецыяльнай групе інтэграванага навучання ясляў-садка №1 у Ашмянах. З 2017 года яна вяла заняткі ў гуртку па правільным маўленні ў мінскіх школах.
Пасля замужжа яна пераехала жыць у вёску Старына Калодзішчанскага сельсавета, зусім побач з Мінскам.
Алена да затрымання шмат чытала, вывучала французскую мову, цікавілася падарожжамі. Дакладная дата затрымання невядомая, але з другой паловы 2025 года яна нічога не пісала ў сацсетках.
Нядаўна Мінскі абласны суд вынес ёй прысуд паводле частак 1 і 2 артыкула 361‑4 КК, садзейнічанне экстрэмісцкай дзейнасці.
Ёй прысудзілі хімію з накіраваннем ці калонію. Цяпер яна адбывае пакаранне.
«Наша Нiва» — бастыён беларушчыны
ПАДТРЫМАЦЬЦяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Вельмі балюча чытаць такія навіны, але вельмі патрэбна.
Паважаная Алена жадаю вам сіл каб прайсці гэтыя выпрабаванні.
Яшчэ раз дзякуй за працу !