Літоўскія памежнікі паказалі, як каля мяжы з Беларуссю раку пераплывае мядзведзь ВІДЭА
На мяжы Літвы з Беларуссю літоўскія памежнікі заўважылі мядзведзя, які спакойна хадзіў каля дзяржаўнай мяжы ў Ігналінскім раёне.
Жывёліну зафіксавалі супрацоўнікі заставы Цверач пры дапамозе сістэмы назірання. Мядзведзь з’явіўся каля самай мяжы ў месцы, дзе рака Дзісна з тэрыторыі Літвы цячэ ў Беларусь. У гэтым раёне мяжа праходзіць па сярэдзіне ракі.
Спачатку звер ішоў уздоўж фізічнага бар’ера, усталяванага з літоўскага боку. Потым ён агледзеўся каля моста праз Дзісну, якім карыстаюцца памежнікі падчас патрулявання.
Пасля гэтага мядзведзь спакойна пайшоў углыб Літвы. Побач з ім па патрульнай дарозе праехаў службовы пазадарожнік памежнікаў, але жывёліна амаль не спалохалася.
Неўзабаве мядзведзь пераплыў раку, перасёк патрульны шлях і знік у лясах краіны.
Акрамя гэтага выпадку, за апошнія суткі мядзведзяў бачылі таксама супрацоўнікі гэтай жа і суседняй памежных застаў. Пакуль невядома, ці гэта быў адзін і той жа звер.
Літоўскія памежнікі адзначаюць, што на 679‑кіламетровай мяжы з Беларуссю мядзведзяў заўважаюць ужо не ўпершыню.
Мядзведзь ужо тыдзень абкрадае пчаляра пад Шумілінам
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Шуневіч: Адзіная мэта дазволу палявання на мядзведзяў і рысяў — даць больш свабоды паляўнічым у выбары трафеяў
У мінулым годзе ў Беларусі паляўнічыя застрэлілі 39 мядзведзяў
«Кайлас, я іду». Што за беларуска знікла ў жудасным селі ў Непале6
Каментары