Першая лэдзі ЗША Меланія Трамп паведаміла пра пашырэнне праграмы пчалярства ў Белым доме. На Паўднёвым лужку рэзідэнцыі прэзідэнта ЗША паставілі новы вулей, зроблены ўручную мясцовым майстрам у выглядзе самога Белага дома.
Дзякуючы новаму вуллю яшчэ дзве пчаліныя сям’і далучацца да тых, што ўжо працуюць і вырабляюць фірмовы мёд Белага дома.
Чакаецца, што дзякуючы гэтаму гадавая вытворчасць мёду на гэтым пчальніку павялічыцца прыкладна на 30 фунтаў (каля 13,6 кілаграма). Гэта дазволіць часцей выкарыстоўваць свой мёд на кухні Белага дома, а таксама ў якасці афіцыйных падарункаў ад прэзідэнта і першай лэдзі. Частку прадукцыі таксама плануюць перадаваць на дабрачыннасць мясцовым сталоўкам.
Акрамя гэтага, новыя пчолы дапамогуць лепш апыляць агароды Белага дома, кветнікі і расліны на тэрыторыі Нацыянальнай алеі.
Афіцыйна праграма пчалярства ў Белым доме пачалася ў 2009 годзе, за прэзідэнцтвам Барака Абамы, калі цясляр рэзідэнцыі Чарлі Брант заняўся гэтым як хобі.
У летні сезон колькасць пчол у двух ужо наяўных вуллях можа дасягаць 70 тысяч асобін. У ўраджайны год яны даюць каля 200—225 фунтаў мёду (каля 90‑102 кілаграмаў). З новым вулеем аб’ёмы могуць вырасці да 230—255 фунтаў (каля 104‑116 кілаграмаў) або нават больш.
Мёд Белага дома вядомы лёгкім канюшынным і ліпавым смакам з ледзь прыкметным цытрусавым адценнем. Яго выкарыстоўваюць для гарбаты, салатных соусаў і дэсертаў.
Праект фінансуецца праз Фонд Нацыянальнай алеі, а курыруе яго галоўны садоўнік Белага дома Дэйл Хэйні.
Меланія Трамп заявіла, што была ледзь знаёмая з Эпштэйнам і запатрабавала спыніць распаўсюджваць чуткі пра яе сувязі з ім
Меланія Трамп абвергла словы Лукашэнкі, што звярталася да яго па дапамогу
Меланія Трамп упершыню старшынствавала на Радзе Бяспекі ААН ФОТАФАКТ
Amazon выпускае дакументальны фільм пра Меланію Трамп. Выканаўчы прадзюсар — сама Меланія
Нашто блогеркі практыкуюцца ў «славянскім позірку»? Усё пачалося з Меланіі Трамп
Каментары
Нагадвае Францыю канца 18-га стагоддзя.