Меланія Трамп абвергла словы Лукашэнкі, што звярталася да яго па дапамогу
Першая лэдзі ЗША Меланія Трамп абвергла заяву Аляксандра Лукашэнкі пра тое, што яна нібыта звярталася да яго па дапамогу па пытаннях пасярэдніцтва ў справе ўз'яднання вывезеных расіянамі ўкраінскіх дзяцей з сем'ямі.
Меланія Трамп заявіла, што сцвярджэнні Аляксандра Лукашэнкі не адпавядаюць рэчаіснасці і не маюць пад сабой падстаў. Паводле яе слоў, усе кантакты па пытаннях уз’яднання вывезеных расіянамі з акупаваных тэрыторый украінскіх дзяцей з сем’ямі адбываліся толькі непасрэдна паміж ёй, яе афіцыйным прадстаўніком і ўладамі Расіі і Украіны. Ніякіх пасярэднікаў, у тым ліку Лукашэнкі, у гэтых перамовах не было.
Пра нібыта кантакты з Меланіяй Трамп Лукашэнка расказаў на мінулым тыдні на прэс-канферэнцыі, прысвечанай перамовам з амерыканскай дэлегацыяй на чале са спецпасланнікам ЗША Джонам Коўлам.
«Вось зараз Меланія перадала спіс дзяцей, якія нібыта ў выніку вайны ва Украіне згубіліся ў Расіі. І просіць мяне, каб пры сустрэчы з Уладзімірам Пуціным я перадаў гэты спіс, пагаварыў з ім, каб мы знайшлі ў Расіі гэтых дзяцей, якія беглі ад вайны, хутчэй за ўсё. Знайшлі і аддалі Украіне, калі дзеці гатовыя і там гатовыя іх узяць на ўтрыманне», — сказаў ён.
Ён паабяцаў абмеркаваць з Пуціным гэтае пытанне, але падкрэсліў, што не стане «ўгаворваць».
«Калі Меланія просіць (гэта ў развіццё таго ліста, які яна калісьці перадала Пуціну наконт дзяцей), я гэтую пазіцыю старэйшаму брату давяду, не пытанне. Але змагацца за гэта не буду, таму што я не ведаю, ёсць гэтыя дзеці ці не, праўда гэта ці не і хто перадаў гэтыя спісы», — заявіў палітык.
З кастрычніка мінулага года ўжо адбылося некалькі этапаў уз’яднання ўкраінскіх дзяцей з іх сем’ямі, і рыхтуецца яшчэ адзін — у пачатку красавіка. Перамовы працягваюцца і, як сцвярджаецца, праходзяць у канструктыўнай атмасферы.
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
«Лукашэнка любіць лаяцца матам, ты лаешся ў адказ. А гарэлку я выліваў на падлогу». Коўл распавёў пра візіты ў Мінск
Коўл: Канчатковага рашэння наконт запрашэння Лукашэнкі ў ЗША няма
Перад сустрэчай з Лукашэнкам Коўла забаўлялі расказамі пра зімовую рыбалку
Коўл узняў пытанне пра новыя арышты. «То-бок мы вызваляем 10 чалавек, а яны арыштоўваюць яшчэ 10»
Каментары
Thank you, Mrs. Trump, for revealing of dictator's lies.