Грамадства22

Журналіст Gazeta Wyborcza расказаў, як сустракаў Пачобута пасля вызвалення

«Калі Пачобут захоча вярнуцца, ніхто яму гэтага не забароніць. Але я б вельмі моцна яго ад гэтага адгаворваў».

Бартак Веліньскі і Анджэй Пачобут
Барташ Вяліньскі і Анджэй Пачобут. Фота: Барташ Вяліньскі 

Вызваленне беларускага журналіста Анджэя Пачобута да апошняга заставалася пад пытаннем — упэўненасці, што ўсё адбудзецца, не было нават у тых, хто яго сустракаў. Пра гэта ў эфіры «Раніцы з Белсатам» расказаў намеснік галоўнага рэдактара Gazeta Wyborcza Барташ Вяліньскі.

Паводле яго слоў, канчаткова стала зразумела, што аперацыя ўдалася, толькі ў момант, калі Анджэй Пачобут перасек польскую мяжу.

«Да самага канца не было зразумела, ці ўсё атрымаецца. Фактычна — пакуль Анджэй не перайшоў мяжу. І не было ўпэўненасці, што чалавек, якога прывядуць, — гэта сапраўды ён», — сказаў Барташ Вяліньскі.

Ён таксама адзначыў, што не быў упэўнены, ці сам Пачобут пагодзіцца пакінуць Беларусь. Журналіст падрыхтаваў аргументы, каб угаварыць яго паехаць у шпіталь і атрымаць дапамогу.

Вяліньскі быў адным з першых, хто сустрэўся з Пачобутам пасля вызвалення. У дарозе яны гаварылі пра вайну і жыццё ў зняволенні. Паводле яго, Пачобут меў абмежаваны доступ да інфармацыі, але ў цэлым быў у курсе асноўных падзей.

«Я спытаў, ці ведае ён пра вайну ва Украіне. Ён адказаў, што чуў. Пра сітуацыю з Іранам — таксама. Ён атрымліваў інфармацыю з беларускіх дзяржаўных медыя», — расказаў журналіст.

Асноўная частка размовы тычылася ўмоў утрымання. Пачобут, паводле Вяліньскага, не паддаўся ціску і не супрацоўнічаў з турэмнымі ўладамі.

«Яго не білі — і гэта, напэўна, адзіны плюс. Але быў моцны псіхалагічны ціск. Ён праводзіў час у ізалятарах, у карцары, у холадзе — акно ў камеры было адчыненае і ўдзень, і ўначы», — сказаў ён.

Першае пытанне, якое журналіст задаў пасля вызвалення, было пра магчымасць вяртання ў Беларусь.

«Першае пытанне, якое Анджэй задаў мне на мяжы, а потым і прэм’еру Туску, было: «Ці магу я вярнуцца?» І, канешне, Польшча — свабодная краіна, і кожны можа сам вырашаць, што рабіць са сваім жыццём. Калі ён захоча вярнуцца, ніхто яму гэтага не забароніць. Але я б вельмі моцна яго ад гэтага адгаворваў», — адзначыў ён.

Журналіст таксама звярнуў увагу, што беларуская прапаганда выпусціла матэрыял, у якім адзін з прапагандыстаў сказаў, што Анджэй Пачобут заслугоўвае смяротнага пакарання. Ён адзначыў, што гэта выглядае як супярэчлівы сігнал: маўляў, вярнуцца можна, але пры гэтым гаворыцца пра смерць, і гэта, на яго думку, добра паказвае, што такім пасланням давяраць нельга.

Вяліньскі падкрэсліў, што для Польшчы вызваленне Пачобута — важная падзея, бо ён не быў ні шпіёнам, ні злачынцам, а апынуўся ў зняволенні як журналіст і актывіст Саюза палякаў у Беларусі.

«Мы чакалі гэтага пяць гадоў. І нарэшце атрымалася. Ён цяпер з намі і паступова прыходзіць у сябе», — сказаў ён.

Каментары2

  • Пача
    02.05.2026
    Как будто из ГУЛАГа вернулся.
  • Валенты
    02.05.2026
    Пача, або з Бухенвальда.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць