Але гэта не падстава для панікі.
На Гомельшчыне зафіксавалі прыкметныя змены ў выбары імёнаў для нованароджаных: традыцыйныя імёны, якія яшчэ пару дзесяцігоддзяў таму былі вельмі распаўсюджанымі, сёння практычна зніклі са статыстыкі. На гэты факт звярнула ўвагу мясцовае ўпраўленне юстыцыі, піша Onliner.by.
З пачатку гэтага года ў рэгіёне не было зарэгістравана ніводнай нованароджанай з імёнамі Наташа, Света, Іра, Галя, Ліда і Люда. Яшчэ 20—30 гадоў таму гэтыя імёны лічыліся аднымі з самых папулярных і сустракаліся амаль у кожным калектыве і сям’і.
Паводле статыстыкі, да ліку амаль зніклых таксама ўвайшлі імёны Тамара, Раіса і Клаўдзія. За першыя чатыры месяцы года ў Гомельскай вобласці было зарэгістравана толькі па адной дзяўчынцы з імёнамі Ала, Вольга, Таццяна, Надзея, Любоў, Ніна, Зоя і Валянціна.
Сярод мужчынскіх імёнаў «тымі, што выміраюць» на Гомельшчыне цяпер лічацца Барыс, Генадзь і Віталь — у 2026 годзе іх не выбралі ні разу. Надзвычай рэдка таксама сустракаюцца імёны Анатоль, Валерый, Юрый і Васіль: кожнае з гэтых імёнаў было зарэгістравана ўсяго двойчы.
Пры гэтым некаторыя класічныя імёны паступова вяртаюцца ў моду. Так, імя Вера з пачатку года атрымалі 20 дзяўчынак. Сярод хлопчыкаў зноў становіцца папулярным імя Косця — так назвалі 18 нованароджаных.
Увогуле, здаецца, неўзабаве настануць часы, калі ўжо бацькі Платонаў, Маркаў і Міраславаў будуць з недаверам паглядаць на бацькоў Віталікаў і думаць: «Ну яны, канечне, выпендрываюцца».
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары