Міністэрства замежных спраў Швейцарыі паведаміла, што ў краіну прыбылі дэлегацыі Ірана і ЗША, перамовы паміж якімі чакаюцца 21 чэрвеня.
У склад іранскай дэлегацыі ўвайшлі спікер парламента Махамад Багер Галібаф і міністр замежных спраў Абас Арагчы. Разам з імі ў Швейцарыю прыбылі прадстаўнікі службаў бяспекі, цэнтральнага банка і нафтавай галіны.
З боку ЗША ў перамовах удзельнічаюць віцэ-прэзідэнт Джэй Дзі Вэнс, а спецпасланнік прэзідэнта ЗША Стыў Уіткаф і зяць Дональда Трампа Джарэд Кушнер.
У Швейцарыю таксама прыбылі прадстаўнікі Пакістана, які выступае пасярэднікам у амерыкана-іранскіх перамовах. Чакаецца ўдзел прэм'ер-міністра Пакістана Шахбаза Шарыфа і начальніка штаба арміі Асіма Муніра.
Перад адлётам у Швейцарыю Джэй Дзі Вэнс заявіў, што спадзяецца дасягнуць прагрэсу ў пытаннях іранскай ядзернай праграмы і спынення агню ў Ліване.
Прадстаўнік МЗС Ірана Эсмаіл Багаі адзначыў, што Тэгеран будзе патрабаваць ад другога боку выканання ўзятых на сябе абавязацельстваў.
Першапачаткова перамовы планаваліся на пятніцу, але былі перанесеныя праз ізраільскія атакі ў Ліване.
Перагаворны працэс праходзіць на фоне напружаных адносін паміж ЗША і Іранам. Напярэдадні Іран заявіў пра закрыццё Армузскага праліва ў адказ на ізраільскія ўдары па Ліване, аднак амерыканскае камандаванне сцвярджае, што суднаходства праз праліў працягваецца ў звычайным рэжыме.
Прэзідэнт ЗША Дональд Трамп заявіў, што на працягу 60 дзён дзеяння рэжыму спынення агню плата за праход суднаў праз Армузскі праліў спаганяцца не будзе. Пасля заканчэння гэтага тэрміну яна таксама не плануецца, калі толькі ЗША не прымуць іншае рашэнне ў выпадку правалу мірнага пагаднення.
На фоне нявызначанасці адносна перамоў з Іранам прэзідэнт ЗША выправіўся ў Кэмп-Дэвід
Уіткаф едзе ў Швейцарыю на перамовы з Іранам, ці паедзе Вэнс — невядома
ЗША знялі марскую блакаду Ірана
Пезешкіян назваў мемарандум з ЗША гістарычным
Вэнс заклікаў Іран паводзіць сябе як нармальная краіна
З'явіўся поўны тэкст меркаванага амерыканска-іранскага мемарандума аб спыненні вайны ў Іране
Каментары