Жыхарка сталіцы Васіліса заўважыла на ствале дрэва каля свайго дома незвычайны грыб. Высветлілася, што гэта вельмі рэдкі від, занесены ў Чырвоную кнігу, піша Blizko.by.
У аб’ектыў трапіў рэдкі і незвычайны грыб — вальварыела шаўкавістая. Маладыя грыбы гэтага віду маюць форму яйка, пакрытага характэрным аксамітным або пухнатым белым налётам. Па меры росту «шкарлупіна» разрываецца, і з’яўляецца буйны грыб з белай шапкай і пласцінкамі.
Грыб сустракаецца ў Азіі, Аўстраліі, Еўропе, Паўночнай Амерыцы і краінах Карыбскага басейна. Сустракаецца ўлетку і ўвосень у лісцевых і мяшаных лясах, парках на жывых і адмерлых камлях лісцевых дрэў — часта на ліпе, клёне, таполі ці дубе.
Нягледзячы на тое, што гэты грыб ядомы, ён уключаны ў Чырвоную кнігу Беларусі. Яго катэгарычна забаронена збіраць, бо за гэта прадугледжаны штраф.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары