Свет

Лясныя пажары разбушаваліся на Крыце: там эвакуявалі тысячы чалавек

Гарыць і ў іншых месцах Грэцыі.

Фота: Giannis Angelakis / AP

Тысячы людзей былі эвакуяваныя з грэцкага вострава Крыт — лясныя пажары, якія распальвае моцны вецер, пагражаюць турыстычным курортам і вёскам, піша Бі-бі-сі.

На працягу ночы каля 8 тысяч чалавек былі эвакуяваныя з Рэцімна ў заходняй частцы вострава, там парывы ветру дасягалі 125 км/г.

Сіноптыкі папярэджваюць, што ўжо на гэтым тыдні ўмовы, якія спрыяюць узнікненню пажараў, распаўсюдзяцца ў бок Цэнтральнай Еўропы, прычым Грэцыя і Турцыя будуць сярод найбольш пацярпелых рэгіёнаў.

Пажар, які цяпер бушуе ў Рэцімна, успыхнуў у сераду і, як мяркуецца, ужо знішчыў шэраг дамоў і сельскагаспадарчых угоддзяў.

Гэта адзін з найбуйнейшых пажараў, якія цяпер ахапілі востраў: працягласць яго фронту перавышае 15 кіламетраў, а агонь застаецца некантраляваным.

Паводле слоў намесніцы рэгіянальнага губернатара Рэцімна Марыі Ліёні, дакладнага ўяўлення пра маштабы разбурэнняў пакуль няма. Яна дадала, што пажар усё яшчэ працягваецца, а яго лакалізацыя застаецца галоўным прыярытэтам.

Паводле яе слоў, уначы парывы ветру дасягалі 11 балаў па шкале Бафорта [11 балаў класіфікуецца як моцны шторм, максімальны вецер — 12 балаў, гэта ўраган — НН].

Нягледзячы на намаганні пажарных, моцны вецер разносіць полымя і істотна ўскладняе тушэнне пажару. У чацвер раніцай пажарныя самалёты не змаглі ўзняцца ў паветра праз неспрыяльныя ўмовы надвор'я.

Частку эвакуяваных з Рэцімна перавезлі ў часовы прытулак у суседнім муніцыпалітэце, паведаміла Ліёні. Яна таксама адзначыла, што для турыстаў арганізавалі ўсю неабходную дапамогу.

Лясныя пажары ўзніклі і ў іншых рэгіёнах Грэцыі — на астравах Паркс і Лесбас у Эгейскім моры, а таксама ў горадзе Трыфілія на поўдні мацерыковай часткі краіны.

Паводле звестак пажарнай службы Грэцыі, у барацьбе са стыхіяй задзейнічаны больш за 220 пажарных, 53 пажарныя машыны, 11 спецыялізаваных падраздзяленняў і два самалёты.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць