У Лунінцы мужчына хацеў разабраць матрац і ў выніку спаліў некалькі пабудоў
61‑гадовы месціч дапамагаў сябру наводзіць парадак у двары.
Мужчына разбіраў стары матрац, аднак абраў для гэтага вельмі небяспечны спосаб.
Выкарыстоўваючы балгарку, распілоўваў спружыны. Пасля заканчэння працы ён адышоў.
Вярнуўшыся, мужчына ўбачыў, што загарэўся паралон, а агонь актыўна перакідваецца на размешчаныя побач пабудовы.
У выніку пажару згарэлі дзве гаспадарчыя пабудовы, яшчэ тры жылыя дамы атрымалі значныя пашкоджанні. Пажарныя патушылі агонь.
Згодна з заключэннем эксперта ўпраўлення Дзяржаўнага камітэта судовых экспертыз па Брэсцкай вобласці, непасрэднай прычынай пажару стала ўзгаранне напаўняльніка матраца ў выніку трапляння на яго паверхню іскраў, якія ўзніклі падчас працы балгаркай.
«Кайлас, я іду». Што за беларуска знікла ў жудасным селі ў Непале9
Каментары