Каханне і сэкс1010

Навукоўцы выявілі нечаканую прычыну праблем з сэксам у маладых мужчын

Даследчыкі вывучылі больш за 800 мужчын ва ўзросце да 40 гадоў і выявілі фактар, які больш чым у дзесяць разоў павышаў імавернасць праблем у інтымным жыцці. Прычым у групе найбольшай рызыкі апынуліся маладыя і працаздольныя мужчыны.

Здымак ілюстрацыйны. Фота: LookByMedia

Праблемы з эрэкцыяй прынята звязваць з узростам, хваробамі або псіхалагічнымі цяжкасцямі. Аднак з такімі парушэннямі сутыкаюцца і маладыя мужчыны, і навукоўцы працягваюць высвятляць, што можа стаяць за гэтым.

Новае даследаванне кітайскіх навукоўцаў, на якое звяртае ўвагу Daily Mail, выявіла яшчэ адзін фактар, які можа істотна ўплываць на сэксуальнае здароўе мужчын.

Даследчыкі з Медыцынскай школы Чжэцзянскага ўніверсітэта вывучылі 826 мужчын ад 22 да 40 гадоў, якія працавалі поўны дзень.

Навукоўцы ацэньвалі пяць прычын, якія маглі спрыяць стрэсу на працы: працягласць працы, самастойнасць у прыняцці рашэнняў, падтрымку з боку кіраўніцтва, адносіны з калегамі і ціск, звязаны з атрыманнем павышэння.

Адначасова яны высвятлялі, ці маюць удзельнікі цяжкасці з дасягненнем або падтрыманнем эрэкцыі, а таксама вымяралі ўзровень гармонаў.

І тут выявілася істотная розніца. Сярод мужчын, якія адчувалі найбольшы стрэс на працы, тыя ці іншыя парушэнні эрэктыльнай функцыі мелі каля 54%. У групе з найменшым узроўнем стрэсу — толькі 8%.

Адным з галоўных фактараў аказалася працягласць працоўнага дня. Найбольш стрэсаваная група працавала ў сярэднім 65 гадзін на тыдзень, ці каля 13 гадзін на дзень пры пяцідзённым працоўным тыдні. У групе з найменшым стрэсам гэты паказчык складаў каля 42 гадзін.

У мужчын, якія працавалі найбольш і адчувалі наймацнейшы стрэс, шанцы сутыкнуцца з эрэктыльнай дысфункцыяй былі больш чым у дзесяць разоў вышэйшыя.

Яшчэ больш паказальнай была розніца ў цяжкіх выпадках. Умераную або цяжкую эрэктыльную дысфункцыю выявілі прыкладна ў кожнага пятага мужчыны, які адчуваў найбольшы стрэс на працы. Сярод удзельнікаў з найменшым узроўнем стрэсу — прыкладна ў аднаго са ста.

Паводле аўтараў даследавання, працяглая праца была адным з галоўных фактараў, звязаных з пагаршэннем эрэктыльнай функцыі. А падтрымка з боку кіраўніка, наадварот, мела ахоўны эфект.

Даследаванне выявіла і істотную розніцу ва ўзроўні гармонаў. У мужчын, якія адчувалі найбольшы стрэс на працы, ранішні ўзровень гармону стрэсу картызолу быў прыкладна на 74% вышэйшы, а вось узровень тэстастэрону, наадварот, быў амаль на 40% ніжэйшы ў параўнанні з тымі, хто меў найменшы ўзровень трывогі з-за працы.

Як тлумачаць спецыялісты, працяглы стрэс можа трымаць арганізм у стане пастаяннай гатоўнасці да небяспекі, вядомым як рэжым «бі або ўцякай». Лічыцца, што ў такіх умовах арганізм у першую чаргу падтрымлівае функцыі, неабходныя для выжывання, у той час як рэпрадуктыўная і сэксуальная функцыі адыходзяць на другі план.

Павышаны ўзровень картызолу, у сваю чаргу, можа ўплываць на выпрацоўку тэстастэрону, які мае важнае значэнне для сэксуальнага жадання.

Прычым даследчыкам удалося прасачыць паслядоўнасць гэтых змен. Узровень картызолу звычайна павышаўся за два-чатыры тыдні да таго, як пачынаў падаць тэстастэрон. А зніжэнне тэстастэрону на чатыры-шэсць тыдняў папярэднічала пагаршэнню эрэктыльнай функцыі.

На думку аўтараў, гэта можа азначаць, што паміж узмацненнем стрэсу і з'яўленнем сэксуальных разладаў існуе своеасаблівае «акно», калі своечасовае зніжэнне стрэсу можа дапамагчы прадухіліць развіццё праблем.

Каментары10

  • SK
    15.09.2026
    Я думаю, што такая праблема датычна не толькі мужчын.
  • ?
    15.09.2026
    SK, а каго яшчэ ? Катоў/сабак ?
  • што тут даследаваць
    15.09.2026
    На працы выціснулі як лімон, адная шкурка засталася.
    Якая там яшчэ палавая функцыя?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць