Незвычайнае кафэ адчынілася ў Мінску. У ім трэба самому запарваць сабе «ролтан»
Канцэпцыя спачатку можа падацца дзіўнай.
У Мінску пачала працаваць новая ўстанова Nodl, дзе наведвальнікам прапануюць самастойна заварыць набытую тут жа локшыну хуткага прыгатавання, піша Onliner.by.
Канцэпцыя спачатку можа падацца дзіўнай: прыходзіць у кафэ дзеля «ролтану», ды яшчэ і самому яго гатаваць? Але наогул гэта даволі папулярны фармат раменных і крамаў-камбіні ў Азіі, таму, верагодна, мінская локшынная таксама знойдзе пастаянных кліентаў сярод прыхільнікаў кей-поп-музыкі і анімэ.
Схема простая: госць выбірае локшыну і дабаўкі да яе — ёсць сыр, яйка, бекон і іншыя інгрэдыенты.
Аплачваеце і ідзяце гатаваць. Локшына заварваецца кіпенем у спецыяльнай «локшынаварцы». Гатовую локшыну можна з’есці на месцы або забраць з сабой.
Выбар локшыны даволі шырокі, акрамя яе ў меню ёсць рысавыя палачкі, сэндвічы, анігіры, азіяцкія прысмакі і напоі.
Дакладных коштаў у сацыяльных сетках установы пакуль няма, ды і выніковы кошт моцна залежыць ад колькасці дададзеных топінгаў. Мяркуючы па водгуках першых наведвальнікаў, локшына каштуе ад 5,90 да 18 рублёў, напоі — ад 7,20 да 13,20 рубля.
Nodl знаходзіцца па адрасе: Міхайлаўскі завулак, 4. Цяпер установа працуе ў тэставым рэжыме, таму наведвальнікам абяцаюць зніжку 10%.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы49
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары