Былога беларускага міліцыянера злавілі ў Бельгіі пры спробе рабавання крамы
Беларуса затрымалі за «крадзеж з ужываннем гвалту». Ён сцвярджаў, што ён ні пры чым: раней служыў у міліцыі і не мае судзімасцяў. Але гэтыя аргументы не дапамаглі яму пазбегнуць высылкі і трохгадовай забароны на ўезд.
Інцыдэнт адбыўся 25 студзеня 2026 года ў бельгійскім горадзе Пюрс-Сінт-Амандс. Паводле паліцыі, беларуса злавілі на месцы крадзяжу з ужываннем гвалту, то-бок рабавання. Падрабязнасці не паведамляюцца. Яго імя і прозвішча ў апублікаваным судовым рашэнні таксама схаваныя.
У судзе мужчына выклаў іншую версію падзей. Паводле яго, бутэльку ў краме скраў калега. Сам беларус нібыта пра гэта не ведаў і гвалту не ўжываў. Ён настойваў, што яго затрымалі выпадкова: быў побач і размаўляў на той жа мове, што і знаёмы.
У сваю абарону мужчына таксама спасылаўся на мінулую службу ў беларускай міліцыі. Да скаргі ён прыклаў дакументы, даведку аб адсутнасці судзімасцяў.
Аднак праблемы былога міліцыянта не абмежаваліся абвінавачаннем у крадзяжы. У той жа дзень міграцыйныя ўлады пастанавілі выслаць яго з краіны і забараніць уезд у Шэнгенскую зону на тры гады. Яны палічылі яго паводзіны пагрозай грамадскаму парадку. Таксама аказалася, што на момант затрымання ён не меў дзейнай візы ці дазволу на пражыванне.
Беларус паспрабаваў аспрэчыць гэтыя рашэнні. Але 15 ліпеня суд адхіліў яго аргументы. Высылка і забарона на ўезд засталіся ў сіле. Былому міліцыянту таксама давядзецца аплаціць 502 еўра судовых выдаткаў.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна43
Каментары
- Да ладна, я сам міліцанер.
[Зрэдагавана]
[Зрэдагавана]