Улады анансавалі змены ў падатковых стаўках на наступны год. Што памяняецца?
З 2027 года ў Беларусі збіраюцца павялічыць падаткі і зборы. На Нацыянальным прававым інтэрнэт-партале апублікавалі праект змяненняў у Падатковы кодэкс, які прадугледжвае індэксацыю ставак падаткаў і асобных фіксаваных сум. Змены закрануць як фізічных асоб, так і арганізацыі ды індывідуальных прадпрымальнікаў, піша выданне Mogilev.in.
У прыватнасці, прапануецца павялічыць мінімальны падатак на прафесійны даход, транспартны падатак, падатак на першую кватэру і падатак на нерухомасць.
Падатак за здачу жылля ў арэнду ў Мінску прапануюць павялічыць з 53 да 56 рублёў за кожны жылы пакой у кватэры. У абласных цэнтрах ён вырасце з 49 да 52 рублёў, у буйных гарадах — з 33 да 35 рублёў, а ў астатніх населеных пунктах — з 20 да 21 рубля.
Збор за ўтрыманне сабак можа павялічыцца з 14 да 15 рублёў за квартал. Для сабак парод са спецыяльнага пераліку стаўка вырасце з 67 да 71 рубля за квартал.
Таксама прапануецца павялічыць транспартны падатак для ўладальнікаў легкавых аўтамабіляў. Для фізічных асоб стаўка за машыну масай да 1,5 тоны вырасце з 75 да 80 рублёў у год. За аўтамабіль масай больш за 1,5, але не больш за 1,75 тоны падатак павялічыцца з 99 да 105 рублёў, а за машыну масай больш за 1,75, але не больш за 2 тоны, — са 124 да 132 рублёў.
Змены закрануць таксама транспарт, які належыць арганізацыям і індывідуальным прадпрымальнікам. Напрыклад, за легкавы аўтамабіль масай да адной тоны прапануецца плаціць 208 рублёў замест 196. За машыну масай ад 2 да 3 тон стаўка вырасце з 309 да 328 рублёў, а за аўтамабіль цяжэйшы за 3 тоны — з 393 да 417 рублёў.
Для грузавікоў масай да 2,5 тоны прапануюць павялічыць падатак з 337 да 358 рублёў. За аўтобус умяшчальнасцю больш за 40 пасажыраў арганізацыі будуць плаціць 655 рублёў замест 617.
Павышэнне закране і аўтамабілі павышанай камфортнасці, для якіх прадугледжаная дзесяціразовая стаўка транспартнага падатку, а таксама асобныя катэгорыі матацыклаў, на якія распаўсюджваецца пяціразовая стаўка.
Пакуль новыя сумы не зацверджаныя. Яны ўтрымліваюцца ў праекце паправак да Падатковага кодэкса на 2027 год і могуць змяніцца да прыняцця дакумента.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары