Яна працягнецца некалькі дзён.
Ізраільская армія і сілавыя структуры пачалі маштабную антытэрарыстычную аперацыю ў раёне Хеўрона на Заходнім беразе ракі Іардан. Яна працягнецца некалькі дзён, піша Bild.
Падставай стаў напад на ізраільскіх вайскоўцаў раніцай 23 кастрычніка, у выніку якога двое салдат загінулі, яшчэ трое атрымалі раненні. Двое меркаваных палесцінскіх нападнікаў былі забітыя.
Прэм'ер-міністр Ізраіля Біньямін Нетаньяху заявіў, што вайскоўцы прадухілілі «буйны тэракт», і распарадзіўся неадкладна блакаваць Хеўрон.
Увечары ізраільская армія і служба ўнутранай бяспекі ШАБАК паведамілі пра пачатак сістэматычных ператрусаў.
«Сілы прыступілі да мэтанакіраванага, дакладнага і ўсебаковага абследавання тэрыторыі, каб выявіць і ліквідаваць тэрарыстычную інфраструктуру і зброю», — гаворыцца ў іх сумеснай заяве.
У аперацыі таксама ўдзельнічаюць памежная паліцыя і грамадзянская адміністрацыя. Па сцвярджэнні ізраільскага боку, асноўныя дзеянні абмежаваныя раёнам, адкуль дзейнічалі нападнікі.
Сілавікі блакавалі Хеўрон і суседні горад Хальхуль, усталяваўшы дарожныя загароды. Мясцовыя жыхары могуць пакінуць ачэпленую тэрыторыю толькі праз тры спецыяльна вызначаныя пункты пасля праверкі. Вайскоўцы таксама маюць намер знесці незаконныя пабудовы, якія, паводле іх ацэнкі, уяўляюць пагрозу бяспецы.
Адначасова аперацыі праходзяць у дзясятках іншых населеных пунктаў Заходняга берага. Абвастрэнне адбылося за некалькі дзён да парламенцкіх выбараў у Ізраілі, прызначаных на 27 кастрычніка.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Каб павялічыць рэйтынг Нетаньяхібэнгвіра сустрэчы з Андрюшэй Макарэвічам замала