Неабходную суму на дапамогу былому палітвязню Канстанціну Залатых, пра праблемы са здароўем якога стала вядома днямі, ужо сабралі, паведаміў Фонд салідарнасці «Байсол». Збор закрыўся значна хутчэй, чым чакалася, а ахвяраванняў аказалася нават больш, чым было неабходна.
Заяўленая сума збору — 4500 еўра, а на рахунку цяпер 6872 еўра.
Цяпер сям’я Канстанціна Залатых зможа аплаціць жыллё і іншыя выдаткі на некалькі месяцаў, пакуль ён будзе праходзіць лячэнне.
Сям’я былога дырэктара незалежнай газеты «Белорусы и рынок» з’ехала з Беларусі адразу пасля яго арышту і не мае магчымасці вярнуцца.
Пасля зняволення падчас медагляду ў Канстанціна Залатых выявілі рак ныркі. Акрамя таго, у яго ёсць і іншыя праблемы са здароўем.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары