Ціханоўскі — Святлане: Твайму мужу не хапіла грошай зубы зрабіць!
Блогер расказвае, што паскардзіўся жонцы, а яна яму нібыта параіла самому вырашаць пытанні.
Сяргей Ціханоўскі ў стрыме на сваім ютуб-канале «Краіна для жыцця» паскардзіўся, што пасля вызвалення яму так і не зрабілі зубныя імпланты.
Тэму ён закрануў, калі каментаваў відэазварот Святланы Ціханоўскай да былых палітвязняў. У ім яна казала, што апошнія шэсць гадоў не было ні дня, калі б Офіс не гаварыў пра палітвязняў.
«Канечне, вы гаварылі, ніхто не спрачаецца! І на папкі вешалі фотаздымкі і прасілі грошы! Вось гэта якраз праўда. Толькі выкарыстоўвалі гэта для атрымання грантаў — на офіс, на заробкі сабе, у тым ліку і на дапамогу палітвязням. Але нават твайму мужу не хапіла грошай зубы зрабіць! Зубы, імпланты», — звярнуўся Ціханоўскі да жонкі.
Ён расказаў, што нядаўна нібыта напісаў Святлане: «Ты не хочаш неяк дапамагчы мне? Бачыш, якая сітуацыя: вашы хлопцы вырашылі мне больш не дапамагаць з зубамі».
Па словах блогера, Святлана Ціханоўская параіла яму самому напісаць праваабаронцам ці Франаку Вячорку — кантакты ж ён мае.
«Уяўляеце?» — абурыўся блогер.
Яшчэ ў адным месцы стрыму Ціханоўскі паўтарыў, што сам не можа «нават зубы адрамантаваць», бо «няма сродкаў на мяне».
Ціханоўскі не раз абвінавачваў праваабаронцаў у тым, што недалячыў зубы. Ён пачаў лячэнне ў Літве, але пасля з'ехаў у ЗША, у выніку чаго праграма спынілася.
Каментары
Поэтому просроченному ватному блоХеру зубы нужны для новых, в кепке, стримов и проектов.
Поэтому зубы нужны! И давит на жалость и родственные связи.
А дальше в стриме поливает грязью ту, у кого просит помощи.
Ты нормальный??....