Дэмакраты адбіраюць у рэспубліканцаў Сенат і Палату прадстаўнікоў у ЗША
Паводле папярэдніх вынікаў на 08:15 па Мінску, дэмакраты атрымалі 197 месцаў у Палаце прадстаўнікоў Кангрэса ЗША, рэспубліканцы — 112. У Сенат — 53 месцы са 100.
Паводле папярэдніх вынікаў CNN, дэмакраты атрымалі 197 месцаў у Палаце прадстаўнікоў Кангрэса ЗША, рэспубліканцы — 114. Пераможцы ў астатніх 124 акругах па стане на восьмую раніцу па Мінску пакуль не вызначаныя.
Так, у 7‑й выбарчай акрузе Нью-Джэрсі былая пілот ВМС ЗША Рэбека Бенет перамагла дзейнага кангрэсмена-рэспубліканца Тома Кіна-малодшага. У гэтую акругу ўваходзіць гольф-клуб Трампа ў Бедмінстэры.
У 6‑й акрузе Кентукі дэмакрат Зак Дэмба перамог рэспубліканца Ральфа Альварада. Раней гэтае месца займаў рэспубліканец Эндзі Бар, які вырашыў балатавацца ў Сенат.
У 11‑й акрузе Паўночнай Караліны дэмакрат Джэймі Эйджэр перамог рэспубліканку Джэніфер Балкам. Раней акругу прадстаўляў рэспубліканец Чак Эдвардс, які адмовіўся ад пераабрання.
Таксама паводле папярэдніх вынікаў CNN, дэмакраты і незалежныя сенатары, якія іх падтрымліваюць, маюць 53 месцы ў Сенаце ЗША, рэспубліканцы — 39. У Сенат абіраецца агулам 100 чалавек.
Вызначальнымі для кантролю над Сенатам могуць стаць выбары на Алясцы, у Аёве, Канзасе, Мэне, Мічыгане, Агаё і Тэхасе, адзначае AP.
Дэмакраты па стане на сёмую раніцы па Мінску мелі 15 губернатараў, рэспубліканцы — 10.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары