Праверка дзейнасці адміністрацыі Цімашэнкі выявіла растраты ў мільёны даляраў
Урад былога ўкраінскага прэм’ер-міністра Юліі Цімашэнка прысвоіў амаль паўмільярда даляраў, паводле справаздачы трох амерыканскіх аўдытарскіх кампаній.
Тры фірмы былі нанятыя ўрадам цяперашняга прэзідэнта Украіны Віктара Януковіча. Аўдытары заявілі, што ўрад Цімашэнкі махляваў і выкарыстоўваў
«класічныя міжнародныя механізмы адмывання грошай»падчас куплі цукру, вакцынаў, імпарту дарагіх іншамарак і нават продажу вугляродных крэдытаў у іншыя краіны.
Галоўны памочнік Цімашэнкі Грыгорый Нямыра не прызнаў добрасумленным аўдыт кампаніяў Trout Cacheris PLLC, Akin Gump Strauss Hauer&Feld LLP і Kroll Inc, назваўшы яго высновы палітычна матываванымі і некампетэнтнымі.
Вынікі аўдыту, які ахоплівае перыяд з 2008 да пачатку гэтага года, сведчаць пра тое, што кабінет Цімашэнкі выдаткаваў $140 млн на нямецкія мікрааўтобусы нібыта для перадачы іх у карыстанне Міністэрству аховы здароўя, якія насамрэч пазней выкарыстоўваліся для мабільнай рэкламы перадвыбарнай кампаніі Цімашэнкі.
Аўдыт таксама засведчыў, што былы ўкраінскі ўрад незаконна прысвоіў каля $280 млн, атрыманыя ад продажу вугляродных крэдытаў у межах Кіёцкага пратакола, і ніколі не выдаткоўваў гэтыя грошы на экалагічныя праекты, як таго патрабавала пагадненне. Гэтыя грошы былі скіраваныя ў пенсійны фонд, якому патрабаваліся грошы ў час сур’ёзнага крызісу.
Акрамя таго, тры аўдытарскія фірмы сцвярджаюць, што ўрад Цімашэнкі растраціў $24 млн на цукар, які ва Украіну ніколі не дастаўляўся, і незаконна прысвоіў $44 млн падчас імпарту вакцын і медыцынскага абсталявання.
«Расследаванне выявіла злоўжыванне дзяржаўнымі сродкамі і
відавочнае махлярства з удзелам найвышэйшага звяна былой украінскай адміністрацыі, канкрэтных міністэрстваў і прыватных карпарацыяў»,— гаворыцца ў заяве аўдытараў — і далей:
«Мы сабралі шмат ускосных доказаў паводзінаў, нетыповых для сумленных чыноўнікаў і бізнэсоўцаў».
Ананімная крыніца ва ўрадзе Украіны паведаміла, што аўдыт каштаваў дзяржаўнаму бюджэту $2 млн.
Каментары