«Наша Ніва» прасіла юбілярку аб інтэрв’ю, але яна адмовілася: «Не люблю гэтыя прынагодныя гутаркі».
11 лістапада юбілей адзначае праваабаронца Іна Кулей.
Яна нарадзілася ў маленькай палескай вёсачцы Крукі, што ў Брагінскім раёне. У сям’і настаўніцы беларускай мовы і піянерважатага. Пазней бацька Іны скончыць юрыдычны факультэт і ўладкуецца на працу следчым у Ляхавічы.
Там Іна Кулей і пражыла ладны кавалак свайго жыцця. Скончыла педуніверсітэт па спецыяльнасці «дэфекталогія». Працавала ў адной з брэсцкіх школ.
У 1990‑ыя ўзначаліла фонд рэгіянальнага развіцця «Вежа», які аб’ядноўваў і дапамагаў грамадскім арганізацыі Брэсцкай вобласці.
Падчас выбараў 2006 года Іна Феліксаўна Кулей была заўсёды побач з сваім мужам Аляксандрам Мілінкевічам.
Цяпер Кулей узначальвае камітэт дапамогі рэпрэсаваным «Салідарнасць», дзякуючы якому сотні беларусаў, выключаных з універсітэтаў, маюць магчымасць працягнуць навучанне за мяжой.
«Наша Ніва» прасіла юбілярку аб інтэрв’ю, але яна адмовілася: «Не люблю гэтыя прынагодныя гутаркі».
Сказала толькі, што дзень нараджэння будзе адзначаць у коле родных.
Рэдакцыя «НН» далучаецца да віншаванняў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары