Сярод апанентаў Лукашэнкі найбольшыя прыбыткі задэклараваў Алесь Міхалевіч.
Сярод апанентаў Аляксандра Лукашэнкі на выбарах-2010 найбольшыя прыбыткі задэклараваў Алесь Міхалевіч.
Кандыдат у прэзідэнты Алесь Міхалевіч задэклараваў для ЦВК 75 мільёнаў рублёў прыбыткаў, апынуўшыся такім чынам на другім месцы пасля Аляксандра Лукашэнкі (90 млн рублёў). Алесь расказаў «НН» пра крыніцы сваіх прыбыткаў.
Частку іх складаюць грошы ад прададзенай паловы дома ў Мар’інай Горцы, што належала палітыку. Частка — паступленні ад здачы ў арэнду кватэры ў Мінску. І рэшта прыбыткаў — Алесевы заробкі.
Кім працуе Алесь Міхалевіч? У афіцыйнай біяграфіі значыцца, што ў 2008 — 2010 гг. ён з'яўляўся юрыстам Беларускага незалежнага прафсаюза, а з 2010 г. — дырэктарам Агенцтва перакладаў і юрыдычных паслуг.
Нагадаем, што следам за Міхалевічам у рэйтынгу задэклараваных прыбыткаў ідуць Дзмітрый Ус — 34 мільёны, Уладзімір Някляеў — 22, Рыгор Кастусёў — 20 Віталь Рымашэўскі — 14, Мікалай Статкевіч — 8, Яраслаў Раманчук — менш за 7.
Андрэй Саннікаў і Віктар Цярэшчанка пазначылі ў дэкларацыях, што летась не мелі ніякага прыбытку.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага9
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу100100
Каментары