24 снежня Цэнтрвыбаркам абнародаваў канчатковыя вынікі прэзідэнцкіх выбараў у Беларусі.
У выбарах узялі ўдзел 6.441.031 грамадзян, або 90,65% выбаршчыкаў.
Аляксандр Лукашэнка — 79,65%
Андрэй Саннікаў — 2,43%
Яраслаў Раманчук — 1,98%
Рыгор Кастусёў набраў 1,97% галасоў выбаршчыкаў
Уладзімір Някляеў — 1,78%
Віктар Цярэшчанка — 1,19%
Віталь Рымашэўскі — 1,09%
Мікалай Статкевіч — 1,05%
Аляксей Міхалевіч — 1,02%
Дзмітрый Ус — 0,39%
Супраць усіх прагаласавалі 6,47% выбаршчыкаў.
Як заявіў сакратар ЦВК Мікалай Лазавік, змены ў выбарчае заканадаўства «прывялі да лібералізацыі выбарчага працэсу на ўсіх этапах выбараў».
«Былі створаны ўмовы для свабоднага збору подпісаў, агітацыі. У цэлым кампанія прайшла спакойна, аднак шэраг кандыдатаў парушаў правапарадак, — заўважыў Лазавік. — Ставілі задачу дабіцца непрызнання выбараў міжнароднымі структурамі. Дэструктыўную пазіцыю занялі гэтак званыя праваабаронцы і іншыя арганізацыі, аднак іх задума правалілася».
Паводле слоў Лазавіка, большасць назіральнікаў прызналі выбары дэмакратычнымі. Што да заключэння місіі БДІПЧ АБСЕ, то ў ім, мяркуе сакратар ЦВК, «адсутнічае ацэнка аб несправядлівасці выбараў». Яны зазначылі, што Беларусь яшчэ чакае шлях да дэмакратызацыі, сказаў Лазавік і дадаў, што на такую ацэнку паўплывалі падзеі ў Мінску вечарам 19 снежня.
ЦВК прызнаў, што выбары адбыліся, а Аляксандра Лукашэнку — абраным прэзідэнтам.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя12
Каментары