Падрыхтаванае гарадскімі медыкамі «Распараджэнне аб дадатковых супрацьэпідэмічных мерапрыемствах у г. Баранавічы» 3 лютага падпісаў старшыня гарвыканкама.
Пра гэта «Intex-press» паведаміў галоўны санітарны лекар горада Сяргей Плескацэвіч. Згодна з дакументам, у Баранавічах абмяжоўваюцца мерапрыемствы па правядзенні культурных і спартыўна-масавых мерапрыемстваў, асабліва з удзелам дзяцей. З мэтай прафілактыкі шырокага распаўсюджвання вірусных інфекцый у паліклініках і бальніцах рэкамендаваны масачны рэжым. Па словах Сяргея Плескацэвіч, прыняцце падобных мер выклікана напружанай сітуацыяй з грыпам і ВРВІ, што склалася ў горадзе.
Разліковы эпідэмічны ўзровень захворвання насельніцтва ў Баранавічах сёння перавышаны на 46% (для параўнання: на мінулым тыдні гэта перавышэнне складала 12%).
Рэзка павялічылася і ўдзельная вага грыпу ў структуры захворванняў насельніцтва ВРВІ з 10% у канцы студзеня да 44% на сёння.
Нагадаем, што да 4 лютага па прычыне высокага захворвання вучняў на грып і ВРВІ быў прыпынены навучальны працэс у двух адукацыйных установах Баранавічаў — гімназіі № 1 і СШ № 17.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары