Магілёўшчына. «Гавары праўду» нагадала пра «крывавую нядзелю» 19 снежня
У Бабруйску, Асіповічах і Кіраўску актывісты грамадзянскай кампаніі “Гавары праўду” сёньня нагадалі мясцовым жыхарам, чым скончыліся прэзыдэнцкія выбары ў Беларусі.
Актывісты расклеілі ў людных месцах партрэты сваіх паплечнікаў, якіх утрымліваюць за кратамі і пад хатнім арыштам. Сваю акцыю “гаварыпраўдаўцы” называюць “Напамінам аб крывавай нядзелі”. Паводле іх, цягам сёньняшняга дня было расклеена больш за дзьве сотні партрэтаў Уладзімера Някляева і Аляксандра Фядуты з надпісам “Свабоду палітвязьням”.
Падчас перадвыбарчай кампаніі ў Бабруйску, Асіповічах і Кіраўску праходзілі сустрэчы з кандыдатам у прэзыдэнты Ўладзімерам Някляевым. Арганізатараў сустрэч Аляксандра Барана з Кіраўску і Ігара Трэшчава з Асіповічаў адміністрацыя прадпрыемстваў, дзе яны працавалі, вымусіла звольніцца.
Анжаліка Мельнікава пасля знікнення набыла дзве кватэры ў Мінску90
Каментары