Доля замежных крыніц у інвестыцыях у асноўны капітал павінна быць не меншая за 21 працэнт ужо ў 2011 годзе. Аб гэтым заявіў Аляксандр Лукашэнка на нарадзе з новым складам урада.
«З сённяшняга дня спасылкі ўрада, кіраўнікоў арганізацый на адсутнасць сродкаў для капіталаўкладанняў будуць расцэньвацца як сігнал аб прафесійнай непрыгоднасці», — сказаў ён.
Пры гэтым Аляксандр Лукашэнка перасцярог удзельнікаў нарады: «Не зацыклівайцеся на прыватызацыі і не прымайце прамыя замежныя інвестыцыі выключна як продаж дзяржаўнай уласнасці. У краіне шмат тэрыторый, якія не выкарыстоўваюцца, кваліфікаванай рабочай сілы, магчымасцей для будаўніцтва прадпрыемстваў з чыстага ліста. Асноўныя напрамкі інвесціравання мы павінны вызначаць самі». У прыватнасці, гэта павінны быць інвестыцыі ў
«Акрамя таго, лічу, што настаў час сфармаваць у краіне моцны і эфектыўны фінансавы рынак, здольны стаць магнітам у прыцягненні міжнароднага фінансавага капіталу, прамых замежных інвестыцый», — дадаў ён.
Здаецца, Лукашэнка трохі супярэчыў сам сабе ў сваіх выказваннях. На той самай нарадзе ён запатрабаваў узмацніць адміністратыўнае рэгуляванне фінансавага рынку, што не паспрыяе прыцягненню інвестараў у фінансавую сферу.
«Вашая задача — сталы пошук сур’ёзных уплывовых верхаводаў бізнесу сусветнага ўзроўню з шырокімі кантактамі і вагой ва ўрадавых колах, — заявіў ён на нарадзе міністру Мартынаву. — Вы літаральна за руку павінныя весці іх сюды. Бо нам ёсць што прапанаваць», — падкрэсліў дыктатар. Адначасова ад іншых міністраў ён патрабаваў выкарыстання кантактаў у рамках так званай «саюзнай дзяржавы», прамых продажаў тавараў у рэгіёнах Расіі.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары