Міхалевіч: Гэты ліст мяне змусілі напісаць 9 студзеня, а самыя катаванні пачаліся з 10 студзеня.
Міхалевіч: Гэты ліст мяне змусілі напісаць 9 студзеня, а самыя катаванні пачаліся з 10 студзеня.
Копію ліста Цэнтр інфармацыі і грамадскіх сувязяў КДБ апублікаваў на сваім сайце.
Ліст суправаджаецца такім каментаром:
«ЦІГС афіцыйна канстатуе, што заявы А. Міхалевіча адносна канфідэнцыйных адносін з органамі дзяржаўнай бяспекі і „катаванняў“ ў СІЗА не адпавядаюць рэчаіснасці, а інфармацыя, якая распаўсюджваецца ў сувязі з гэтым, з’яўляецца паклёпніцкай.
Следствам рашэнне аб змене ў дачыненні да яго меры стрымання было прынята па ўзгадненні з органамі пракуратуры на падставе вынікаў праведзеных следчых мерапрыемстваў, у адпаведнасці з заяўленай ім пазіцыяй пра разуменне ўсёй адказнасці за здзейсненыя супрацьпраўныя дзеянні, а таксама з улікам уласнаручнага напісання прашэння аб ласцы. Да заканчэння следчых дзеянняў ЦІГС публікуе толькі некаторыя вытрымкі з дадзенага прашэння.
Пры такіх абставінах, прымаючы пад увагу добра вядомыя характарыстыкі асобы А. Міхалевіча, органам дзяржаўнай бяспекі не было неабходнасці ўсталёўваць дадатковыя адносіны.
Прычыны, з якіх А. Міхалевіч пра гэта замоўчвае, а таксама факты яго датычнасці да парушэння заканадаўства Рэспублікі Беларусь, у тым ліку да распаўсюджвання паклёпніцкай інфармацыі, будуць устанаўлівацца ў працэсе правядзення далейшых следчых мерапрыемстваў».
Сам Алесь Міхалевіч у каментары для «Нашай Нівы» найперш адзначыў, што гэты ліст яго змусілі напісаць 9 студзеня, а катаванні і спробы схіліць яго да супрацоўніцтва з 10 студзеня, наадварот, толькі ўзмацніліся.
Ён таксама паведаміў, што на заўтра, суботу, на 10-ю ранку яго выклікаюць на допыт у КДБ.
Нагадаем, што 28 лютага Алесь Міхалевіч шакаваў свет сваім прызнаннем аб катаваннях у СІЗА КДБ.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго8
Каментары