Віншуем! Вы вінаваты 3000 баксаў. Нацбанк: Замежны доўг вырас на 6,5 млрд даляраў за год
На 1 студзеня 2011 года ён дасягнуў 28,5 млрд даляраў, або 52,2% ВУП.
Валавы замежны доўг Беларусі за мінулы год павялічыўся на 6,45 млрд даляраў, або 29,2%. На 1 студзеня 2011 года ён дасягнуў 28,5 млрд даляраў, або 52,2% ВУП.
Як паведамілі ў Нацыянальным банку, у чацвёртым квартале аб’ём сукупнага замежнага доўгу вырас на 2 млрд 918,8 млн долараў (на 11,4%) пасля росту на 2 млрд 422,3 млн (10,5%) у трэцім квартале, на 927,5 млн долараў (4,2%) — у другім і на 183,2 млн (0,8%) — у першым.
У разліку на душу насельніцтва валавы знешні доўг таксама працягвае расці: на 1 студзеня 2011 года ён склаў 3 тыс. 7 долараў супраць 2 тыс. 322 долараў на пачатак 2010 года і 1 тыс. 596 долараў — на пачатак
Паводле звестак Нацбанка, на абслугоўванне замежнага доўгу ў 2010 годзе было накіравана 5 млрд 164,9 млн долараў (9,5% ВУП, ці 17,3% экспарту тавараў і паслуг). Са згаданай сумы 4 млрд 563,1 млн долараў склалі выплаты па асноўным доўгу, 601,8 млн долараў — плацяжы па працэнтах.
Нагадаем, за 2009 год валавы знешні доўг Беларусі быў павялічыўся на 6,9 млрд долараў ЗША, або на 45,4%, і склаў 22 млрд (45% ВУП).
Паводле нядаўняй ацэнкі Міжнароднага валютнага фонду, валавы знешні доўг Беларусі будзе працягваць расці.
Валавы знешні доўг складаецца з доўгу органаў дзяржаўнага кіравання, банкаў і іншых прадпрыемстваў.
Каментары