Курс даляра на чорным рынку не знізіўся пасля росту курсу ў абменніках
Валютчыкі песімістычна зрэагавалі на ўчорашнія навіны з Мінска і Масквы.
Так валютчыкі зрэагавалі на ўчорашнія навіны з Мінска і Масквы.
Чорны рынак валюты песімістычна зрэагаваў на рашэнне Масквы ўстрымацца ад выдзялення Мінску міждзяржаўнага крэдыту. Учора некаторыя валютчыкі ўзнялі каціроўкі даляра з ранейшых 4100 да 5000–5200 рублёў за даляр. Негатыўны псіхалагічны эфект магло мець і тое, што ўчора ў абменніках валюта не з’явілася, нягледзячы на лібералізацыю курсу продажу і куплі.
Хоць за незаконныя валютныя аперацыі пагражае штраф і нават турэмнае зняволенне, чорны рынак валюты расквітнеў, як толькі ў краіне пачаўся фінансавы крызіс.
Яшчэ нядаўна курс 5000 за даляр здаваўся вынікам панікі. Аднак адсутнасць валюты прывяла да спіралі дэвальвацыйных чаканняў. У выніку пры безнаяўных аперацыях курс 5000—5200 рублёў за даляр трымаецца ўжо працяглы час.
У большасці валютчыкаў курс наяўнага даляра трымаецца на ўзроўні 4100 (купля) і 4300 (продаж).
Цяпер чытаюць
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?4
Каментары