Улады прызналі маштабны крызіс у беларускай эканоміцы.
Урад прымае тэрміновыя меры па стабілізацыі эканомікі, заявіўвіцэ-прэм ’ер Беларусі Сяргей Румас 3 чэрвеня на пасяджэнні Нацыянальнай рады па працоўных і сацыяльных пытаннях.
На нечарговым пасяджэнні трохбаковай рады абмяркоўваецца ход выканання Генеральнага пагаднення паміж урадам, наймальнікамі, прафсаюзамі на 2011–2013 гады, а таксама актуальныя эканамічныя праблемы.
«Улічваючы няпростае становішча ў эканоміцы, урад сур’ёзна занепакоены прыняццем тэрміновых і неадкладных мер па выхадзе з наяўнай сітуацыі. — Нам неабходна абмеркаваць меры па стабілізацыі як у цэлым у эканоміцы, гэтак і на спажывецкім і валютным рынках у прыватнасці», — паведамляе БелаПАН.
Намеснік міністра эканомікі Андрэй Тур паведаміў, што падрыхтаваны праект указа прэзідэнта, скіраваны на стрымліванне росту цэн.
Таксама Тур прызнаў, што Беларусь заняла адно з першых месцаў у свеце па маштабах дэвальвацыі.
«Такая дэвальвацыя, як у нас, за дваццаць гадоў была толькі ў адной дзяржаве. Гэта другі выпадак у сусветнай эканоміцы — заявіў Тур, не ўдакладніўшы, аб якой краіне ідзе гаворка».
Паводле міністра, з канца першага квартала эканоміка Беларусі перанесла «два найцяжкія шокі»: рэзкі рост кошту імпарту энергарэсурсаў і дэвальвацыю нацыянальнай валюты на 56 працэнтаў у адносінах да даляра.
Сяргей Румас, у сваю чаргу, заявіў, што беларускія ўлады маюць намер цалкам стабілізаваць сітуацыю на валютным рынку на працягу бліжэйшых 10–14 дзён.
«На працягу 10–14 дзён сітуацыя вырашыцца цалкам», — сказаў С. Румас журналістам у пятніцу ў Менску, каментуючы па просьбе агенцтва
Паводле яго слоў «ёсць узгодненая з Антыкрызісным фондам ЕўрАзЭС матрыца дзеянняў. «Прэм’ер паставіў задачу распісаць літаральна па днях меры, што прымаюцца сумесна з Нацбанкам, на валютным рынку», — сказаў
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары