Фотафакт: Супрацоўнік Генпракуратуры разглядае мікрааўтобус без нумароў
Пытанне правамернасці выкарыстання сілавікамі «ананімнага» транспарту застаецца адкрытым.
Пытанне правамернасці выкарыстання сілавікамі «ананімнага» транспарту застаецца адкрытым.
На чарговай акцыі маўчання 20 ліпеня ў Мінску быў заўважаны начальнік упраўлення па наглядзе за выкананнем заканадаўства Генеральнай пракуратуры Павел Радзівонаў. Як адзначае газета «Салідарнасць», ён патлумачыў, што сочыць за выкананнем законнасці ў часе акцыі.
Пры гэтым, журналісты сталі сведкамі, як Радзівонаў уступіў у спрэчку з сілавіком у цывільным, які кіраваў затрыманнямі ўдзельнікаў акцыі.
Магчыма, з’яўленне на акцыі супрацоўніка Генпракуратуры звязанае з выказваннямі генеральнага пракурора Рыгора Васілевіча наконт дзеянняў супрацоўнікаў міліцыі на вулічных акцыях. У прыватнасці ён заявіў, што супрацоўнікі міліцыі на акцыях павінны працаваць у форме. Заўважым, што ўчора на Кастрычніцкай плошчы дзейнічалі спецназаўцы ў чорнай форме, чаго на апошніх акцыях даўно не назіралася.
Аднак, затрыманні праводзілі ўсё тыя ж невядомыя асобы ў цывільным.На фоне аднаго з такіх аўтамабіляў 20 ліпеня быў сфатаграфаваны супрацоўнік Генпракуратуры. Правілы дарожнага руху адназначна забараняюць рух транспартных сродкаў без усталяваных у вызначаных месцах рэгістрацыйных (нумарных) знакаў.Застаецца без адказу і пытанне выкарыстання сілавікамі транспарту без нумарных знакаў.
Магчыма, спецслужбы маюць у арсенале адмысловы дазвол на выкарыстанне транспарту без нумароў у выключных выпадках. Аднак, па серадах на вуліцах Мінска людзі ў цывільным хапаюць і цягнуць у «ананімныя» аўтобусы зусім не тэрарыстаў і небяспечных злачынцаў, а простых грамадзянаў і журналістаў.Таму версія пра тое, што гэта хутчэй акт запалохвання, падаецца больш слушнай. Прынамсі, пакуль афіцыйных тлумачэнняў на гэты конт дагэтуль няма.
Глядзі яшчэ: Як чытач «НН» папрасіў разабрацца з «ананімнымі» аўтобусамі і што з гэтага выйшла.
Цяпер чытаюць
«Кайлас, я іду». Што за беларуска знікла ў жудасным селі ў Непале12
Каментары