Экспарт беларускіх тавараў ўтрая перавышае імпарт індыйскіх.
«Беларуськалій» знайшоў яшчэ аднаго патэнцыйнага пакупніка. Пасол Індыі ў Беларусі Манодж Кумар Бхарата заявіў, што ягоная краіна зацікаўленая ў куплі акцый беларускага прадпрыемства. Пакуль гэта толькі дэкларацыя аб намерах — не паведамляецца ні прапапануемы кошт, ні колькасць акцый, якая зацікавіла Індыю.
Інтарэс азіятаў да нашай краіны — нагода ўзгадаць, які тавар купляюць і прадаюць індыйцы ў Беларусі.
На працягу апошніх трох гадоў беларускі экспарт у Індыю агулам склаў $1,13 мільярда. 87% ад усяго аб’ёму ($0,99 мільярда) — калійныя ўгнаенні.Гэтым і тлумачыцца павышаны інтарэс азіятаў да «Беларуськалія». Апроч ягонай прадукцыі, Індыя цікавілася азотнымі ўгнаеннямі (на $22 мільёны) і корднымі матэрыяламі для шын (на $20 мільёнаў).
Гандаль з Індыяй цалкам адпавядае экспартаарыентаванай палітыцы Беларусі. Імпарт складае ўсяго траціну ад экспарту — $385 мільёнаў.
Больш за ўсё ў нашу краіну прывозіцца індыйскіх лекаў (на $143 мільёны).Астатнія катэгорыі тавараў істотна адстаюць — тытунёвая сыравіна (на $25 мільёнаў), баваўняная прадзіва (на $19 мільёнаў), а таксама экстракты і канцэнтраты гарбаты і кавы (на $10 мільёнаў).
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары