«У цэнтры ўвагі»: Прапанова Круглага стала адрасавана казлам, а не пятай калоне
«Функцыянеры так званай беларускай апазіцыі прынялі гэтае пасланне чамусьці на свой адрас» і «пачалі займаць табурэткі і дыктаваць умовы».
Такія заявы прагучалі ва ўстановачнай праграме «У цэнтры ўвагі».
Вядоўца працытаваў словы Лукашэнкі пра Круглы стол і падкрэсліў: «Запрашэнне прэзідэнта адрасаванае ўсім разважных людзям, якія любяць сваю краіну». А далей развіў думку: «Функцыянеры так званай беларускай апазіцыі прынялі гэтае пасланне чамусьці на свой адрас» і «пачалі займаць табурэткі і дыктаваць умовы». Але, дадаў ён:
«У нас у краіне больш за 2000 грамадскіх арганізацый і 15 партый, некаторыя налічваюць сотні тысяч людзей. А ўсю апазіцыю можна змясціць у адным кошыку. Каго яна будзе прадстаўляць за сталом перамоваў і пра што гаварыць?».
Экспертам праграмы выступіў Вадзім Гігін, рэдактар часопіса прэзідэнтуры «Беларуская думка». На думку Гігіна, Лукашэнка «не прапаноўваў дыялогу апазіцыі».
На думку Гігіна,
запрашэнне да размоваў не датычыць «тых сілаў, якія ў сапраўднасці з’яўляюцца пятай калонай»і «фактычна выступаюць як агенты замежных сіл і цэнтраў унутры Беларусі».
Лукашэнкаўцы ў прапагандысцкіх мэтах называюць «пятай калонай» усіх тых, хто аспрэчвае манаполію Лукашэнкі на ўладу.
Лідараў апазіцыі ў праграме таксама абазвалі «самазванцамі» і ўсяляк аблівалі брудам.«Няздольнасць так званай беларускай апазіцыі да дыялогу — гэта медыцынскі дыягназ. — вычвараўся вядоўца — Амбулаторнаму і стацыянарнаму лекаванню яны не падлягаюць».
Выглядае, што прапанова дыялогу Лукашэнкам была звыклым прыёмам. Яна была адрасавана патэнцыйным замежным крэдыторам, а не апазіцыі ўнутры краіны.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары