Жыхар горада Віктар Мязяк быў затрыманы ў Баранавічах, каля пад’езда дома на Паркавай, раніцай 30 верасня, калі клеіў на дошку абвестак улётку пра «Народны сход».
«Я клеіў улётку ў прызначаным для гэтага месцы, — расказаў „ІР“ Віктар Мязяк. — А калі павярнуўся, то ўбачыў чалавека ў цывільным, які назваўся міліцыянерам ды паказаў мне пасведчанне. Ён сказаў, што я затрыманы, але не патлумачыў за што». Праз нейкі час прыехала міліцэйская машына і адвезла Мязяка ў пастарунак.
Пасля 15.00 Віктара Мязяка адпусцiлi, склаўшы на яго пратакол аб адміністрацыйным правапарушэнні па артыкуле 23.34 КААП «Парушэнне парадку арганізацыі правядзення масавага мерапрыемства ці пікетавання».
За дзень да гэтага міліцыя забрала з працы Віктара Цяпіна, які, па сведчанні вахцёраў і намесніка дырэктара па ідэалогіі, нібыта 23 і 27 верасня распаўсюджваў на прахадной улёткі пра «Народны сход». У пастарунку на яго быў складзены пратакол аб адміністрацыйным правапарушэнні па артыкуле 23.34 КААП «Парушэнне парадку арганізацыі правядзення масавага мерапрыемства ці пікетавання». Суд над Цяпіным прызначаны на 6 кастрычніка за два дні да прызначанай даты «Народнага сходу».
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары