Справа Канавалава-Кавалёва: На месцы пажару ў газетным кіёску не было знойдзена рэшткаў выбуховых прылад
На месцы пажару ў кіёску «Белсаюздрук» у Віцебску ў адну з начэй чэрвеня 2004 года не было знойдзена рэшткаў выбуховых прылад, напрыклад пластыкавай бутэлькі, нейкіх дэталяў. Гэта вынікае з фрагментаў зачытанага 10 кастрычніка ў судзе па справе Дзмітрыя Канавалава і Уладзіслава Кавалёва пратакола агляду месца здарэння супрацоўнікамі гарадскога аддзела па надзвычайных сітуацыях і допыту аднаго з яго падпісантаў Максіма Дука. Суду ён катэгарычна заявіў, што калі ў пратаколе няма такіх звестак, значыць, ніякіх рэшткаў выбуховых прылад знойдзена не было.
Пры гэтым Дук сцвярджальна адказаў на пытанне, ці магла быць выкарыстана для ўчынення пажару запальная вадкасць. Прычынай пажару, што ўзнік паміж дахам і казырком, паводле яго слоў, стаў падпал — «занясенне пабочнай крыніцы ўзгарання», усе матэрыялы перадаваліся ў міліцыю, якая павінна была прызначыць экспертызу.
Як паведаміў Дук, унутры кіёска пашкоджанняў, прычыненых пажарам, не было.
Паводле слоў Таццяны Цімафеевай, якая працавала ў гэтым кіёску, тавар у ім быў прыведзены ў непрыдатнасць падчас тушэння агню пажарнай пенай. Сума ўрону ёй невядома.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары