Цяпер у Чэхіі жыве некалькі тысяч беларусаў.
Беларусы, якія жывуць у Чэхіі хочуць, каб іх прызналі тут у якасці нацыянальнай меншасці. Прэм’
Цяпер у Чэхіі жыве некалькі тысяч беларусаў. Яны прыязджаюць сюды ў асноўным у пошуках працы і навучання. Многія з іх атрымалі палітычны прытулак. Самая вялікая група імігрантаў — сярод студэнтаў. У чэшскім Савеце Міністраў ужо даўно ляжыць зварот з просьбай афіцыйнага прызнання беларусаў у якасці нацыянальнай меншасьці.
Закон Чэхіі не рэгламентуе, пры якой колькасці прадстаўнікоў ім даецца статус меншасці.
Кіраўнік Рады ў справах нацыянальных меншасцяў Мілан Поспішыл лічыць, што было б дастаткова і тысячы чалавек. З ініцыятывы прэм’ера Нечаса, беларусаў ужо і цяпер запрашаюць у якасці гасьцей на пасяджэнне Рады.
Чэшскія ўлады належаць да крытыкаў рэжыму Аляксандра Лукашэнкі. Часта яны аказваюць палітычную і фінансавую падтрымку беларускай апазіцыі. Сёлета іЧэхія дала палітычны прытулак былому кандыдату ў прэзідэнты Алесю Міхалевічу, тут зарэгістраваная арганізацыя «Малады фронт». У Чэхіі дзейнічае некалькі зарэгістраваных аб’яднанняў беларусаў,
аднак прызнанне нацменшасцю забяспечыць ім дзяржаўную падтрымку разьвіцця мовы, культуры і традыцыяў.У мясцінах з кампактным пражываннем беларусаў яны змогуць патрабаваць, каб іхныя дзеці вучыліся на беларускай мове. Паводле закона, прадстаўнікам нацыянальнай меншасці гарантуецца права карыстацца сваёй мовай ў судах і ўрадавых установах.
На сёння статус меншасцяў маюць у Чэхіі 12 нацыянальнасцяў: балгары, харваты, венгры, немцы, палякі, славакі, сербы, цыгане, закарпацкія русіны, рускія, грэкі, украінцы.
Са зваротам прызнаць іх нацыянальнай меншасцю зьвярнуліся ва ўрад таксама в’етнамцы і армяне.
Цяпер чытаюць
«Кайлас, я іду». Што за беларуска знікла ў жудасным селі ў Непале6
Каментары